Deserie 'Andeng' Salvacion
Masakit ang mawalan ng mahal sa buhay pero mas masakit ang gunitain ang kanilang kamatayan. Maaari itong magbukas ng mga lumang sugat at kapighatian. Manariwa ang sakit at ala-ala na ating naramdaman mula sa kanilang pagkawala.
Unti-unting lumandas ang luha sa aking mata, “Hi there, Vita Mia.” Pilit akong ngumiti habang yakap-yakap ang kanyang urn. “Isang taon na simula ng mawala ka pero hanggang ngayon dala ko pa rin ang sakit dito sa aking puso. Sorry! Sorry dahil hindi ko magawang hindi umiyak. Alam ko na ayaw mo na makita ako sa ganitong sitwasyon. Hayaan mo lang ako, Sandro. Darating din naman ang araw na magagawa ko nang humarap sayo ng nakangiti at masaya. Magagawa ko rin na muling maging maligaya. At sana kapag nangyari ang araw na iyon maging masaya k
