Deserie "Andeng" Salvacion
Hinihintay ni Tyler ang aking tugon nang bigla na lang kaming nakarinig na maingay na sasakyan. Gulat na gulat kaming dalawa. Pinaghahampas ng lalaki ang aking sasakyan gamit ang isang malaking bato. Nagmadali kaming bumaba upang puntahan ang kotse at pigilan ang lalaki sa kanyang pagwawala.
“Sige!” bulyaw ng lalaking lasing. “Subukan mong lumapit at sa’yo ko ibabato itong hawak ko! Tignan natin kung hindi mabasag iyang bungo mo!” banta pa nito. Nanlilisik ang mata at wala na sa katinuan.
Iba na ang kutob ko sa lalaking kaharap namin kaya mas minabuti ko nang tumawag ng pulis. Nagkatitigan pa kaming dalawa ni Tyler bago ko kausapin ang pulis sa kabilang linya upang mag report. Sinabi ko lahat ng impormasyon na kailangan nang mapatingin ako kay Tyler.
“Tyler!
