BANGS
When I left Annika where she was, hindi na ako lumingon. Honestly, natatawa lang ako kapag naiisip ko 'yong singsing na sinasabi n'ya. So what kung bigay iyon ng nanay ni Cam? For all I know, baka regalo sa kanya noong birthday n'ya, pasko o noong National Heroes' Day. Ang hindi ko gusto ay ang pang-iinsulto n'ya sa isang empleyado na marangal na nagtatrabaho para sa company.
Kahit naiinis ako sa sinabi n'ya kanina at inihambing n'ya ako sa isang aso na naghihintay sa amo ay pinanatili kong maging professional. Pero hindi na ako katulad dati na magsasawalang-kibo. Tao lang rin ako at may hangganan ang pasens'ya ko. If I let them insult me all the time, masasanay sila na okay lang. At tapos na ako doon.
Hindi ibig sabihin ng pagtatanggol ko sa aking sarili ay wala na akong modo.
