BANGS
Pagkatapos naming mapuntahan ang naunang dalawa ay last option ko na ito. Bukod sa paloob ang papunta sa naunang paupahan ay nakakatakot ang mga kwarto. Iyong una ay parang sa horror movie at mistulang may nagbigti o may krimen na naganap sa kwartong 'yon at kapag naiisip ko ay kinikilabutan ako. Iyong pangalawa naman ay walang pinto at kurtina lang ang nagsisilbing pagitan ng salas. Lahat ng kwarto sa bahay na 'yon ay pare-pareho. Hindi ako komportable at baka mamaya ay may namboboso na pala sa akin.
Itong patatlo ay malapit sa may bukana ng karsada. Bale patatlong bahay at tahimik ang maliit na kalye. Mukhang disente rin ang mga nakatira. Hindi katulad kanina na may mga nag-iinuman sa kanto at kay pupula ng mga mata.
"Tao po," tawag ni Trina sa may gate.
"Ano po' yon?" sabi
