MATAPOS ANG WEDDING CEREMONY ay nagkaroon naman sila ng salo-salo, para sa celebration ng kasal nina Ella at Caleb.
"Tiyak na magugulat sina Tita at Tito, pagbalik nila galing Cruise, pare. Imagine, iniwan ka nila dito sa mansion niyo na singke at babaero. Pagbalik nila ang babaero nilang anak ay may-asawa nang madadatnan nila. Hindi kaya himatayin si tita nito, kapag nalaman niya?" Wika ni Aljoe. Nasa Lanai sila ngayon at naninigarilyo. Katatapos lang nilang kumain at ang iba naman ay kumakain pa ng dessert sa loob ng bahay.
"Tahiin ko kaya ang bibig mo, pare. Mamaya marinig ka ng asawa ko, at sabihin na may babae ako." Pagsaway ni Caleb sa kaibigan.
"Nasa loob sila, pare, kaya safe ang secret mo." Natatawang sagot ni Aljoe.
Nainis naman si Caleb sa kaibigan, kaya mabilis niyang n
