Tila musika sa pandinig ni Samuel ang halakhak ni Sundee. Ngunit pagkakataon niya na rin iyon upang pag-aralan ang galaw nito. Batid na niya ang pakay nito kaya ito pumapasok ngayon sa kompaniya nila. Ang bawiin ang dapat ay kaniya.
Natigilan si Sundee sa pagtawa nang makita ang marubdob na pagtingin sa kaniya ni Samuel. Bigla siyang natigilan lalo na at kakaiba ang titig ng lalaki. Agad ay na-conscious siya sa hitsura.
Nang mapansin niyang tila napansin ni Sundee ang pagtitig niya ay siyang ngumiti. Hindi napigilang kumislot ang puso nang makita ang ngiti nito. Hindi niya alam kung bakit imbes na inis ang maramdaman ay tila sumaya siya dahil kahit papaano ay ngumiti ito.
Maya-maya ay tinaas nito ang kamay nito at tila hahawakan nito ang baba niya. Bumilis ang pintig ng puso niya. "May
