"Eliseo. . ."
Nakatulalang sambit ni Akie na nakatingin sa lalaking nakatayo sa kabilang terasa habang ito'y hindi din makapaniwalang nakatitig sa kanya. Hindi nakaligtas sa paningin ng lalaking nagngangalang Eliseo ang pagpatak ng luha niya. Ang pagkagulat sa mukha nito'y nagbago bigla, umangat ang gilid ng labi nito na tila ba nasisiyahan pa nang makitang tumulo ang luha niya.
"What are you doing here, huh, Akie? Hindi ako makapaniwalang dito tayo magkikita," anang binata na ngayo'y matamis na ngumingiti.
Napakurap si Akie. Hindi niya alam kung ano ang isasagot kay Eliseo. Dapat ba niyang sabihin sa lalaking ito na kasal na siya sa kanyang amo? O sasabihin niya rito ang totoo? Hindi kaya si Eliseo na ang daan para makatakas siya kay Andrew? Ngunit bakit hindi siya nasisiyahan sa isip
