Hindi maalis-alis ang ngiti sa labi ni Akie nang matapos niyang makausap ang pamilya sa Pilipinas. Napawi ang pananabik at pangungulilang nararamdaman niya sa mga ito simula nang araw na ikasal siya kay Andrew, dahil simula noon ay pinagbawalan siya ni Andrew na gumamit ng cellphone dahilan upang mawalan siya ng komunikasyon sa pamilya niya. Hindi na rin siya nakapagpadala ng pera sa pamilya niya, at iyon ang akala niya. Pero nang makausap niya ang Inang ay laking gulat niya nang sabihin nito na gawa na ang extension ng kanilang bahay, at mayroon na rin daw itong sari-sari store. Nagpasalamat pa sa kanya ang Inang niya, at sinabi din nito na malaki din daw ang pasasalamat nito kay Andrew dahil ang binata raw ang dahilan kung bakit siya nagkaroon ng trabaho at kung bakit natupad ang pangara
