Baguio, Philippines
Malamig na hangin ang yumakap sa katawan ni Akie mula sa terasa ng malaking bahay na pag-aari ng taong tumulong sa kanya simula nang makabalik siya ng Pilipinas. Si Jenny Delavin at ang asawa nitong si Lyzander na pinsan ni Andrew. Nang una'y ayaw niyang magtiwala sa mag-asawa dahil pamilya ito ni Andrew pero dahil wala na siyang pagtataguan ay tinanggap niya ang tulong ng mag-asawa.
"How are you, Akie? Nagugutom ka ba? Sandali na lang talaga at matatapos na ang pagluluto ni Jenny ng pagkain natin," ani Lyzander na nakatayo sa bukana ng pinto ng terasa.
Napabaling naman si Akie sa lalaki. Para sa kaniya, itsura pa lang nito ay hindi na mapagkakatiwalaan. Guwapo lang ito pero mukhang babaero. Napangiwi si Akie sabay iwas ng tingin kay Lyzander.
"Okay lang ako. Hind
