Sa kasarapan ng pagtulog ni Akie ay kanyang naramdaman ang isang masuyong halik sa kanyang noo. Ang labing iyon ay namamasa-masa pa't naramdaman niya rin ang pagtulo ng tubig sa kanyang pisngi. Sa kanyang pagmulat ay nawala ang taong may gawa niyon, at alam niya kung sino ito dahil dalawa lang naman sila sa penthouse. Bumangon si Akie mula sa kinahihigaang sofa bed, naupo siya't bumaling sa paligid upang hanapin si Andrew subalit hindi niya ito makita. Tiningnan niya ang isang malaking wall clock sa sala, pasado alas dyes na ng umaga, mahigit isang oras siyang nakatulog. Iyon ay dahil masarap ang buga ng aircon at idagdag pa ang bango ng humidifier kaya lalong napasarap ang tulog niya.
Narinig ni Akie ang pagtampisak ng tubig mula sa pool doon lamang sa kabilang bahagi ng sala. Tumayo siy
