"TARANTADO ka! Pagkatapos mong makuha ang gusto mo sa kapatid ko, iiwan mo na lang siya?!"
Nagkakagulo ang mga estudyante sa parking lot ng school. May pinagtutumpukan silang nag-aaway na mga estudyante. Nakakarinig din ako ng sigaw ng lalaki at iyak ng isang babae na tila inaawat ang dalawang taong nag-aaway.
"Wala akong ginawa sa kapatid mo!" balik din na sigaw ng isa pang lalaki.
Wala na sana akong balak na pansinin ang gulo dito sa parking lot ng school at magpapatuloy na lang sana sa paglalakad, pero napukaw ng boses na iyon ang atensiyon ko. Pamilyar iyon sa akin.
Nakipagsiksikan ako sa mga estudyante para makahanap ng puwesto kung saan mas maayos kong makikita ang away na nagaganap. Nanliit ang mga mata ko nang makahanap ako ng puwesto at makumpirma ko kung sino ang nagmamay-ari
