Pagbaba niya ay nakita niya si Joaquin na nakasandal sa sasakyan nito, nasa bulsa ang magkabilang kamay. Salubong ang kilay at halatang inip sa paghihintay sa kanya. Walang salita na kinuha nito sa kamay niya ang kanyang dala, at basta na lang inihagis sa likuran na bahagi ng sasakyan nito. Lihim lang siyang napabuntong hininga sa nakita na ginawa nito
Binuksan nito ang pinto ng sasakyan sa likurang bahagi saka hinayon siyang pumasok na. Tahimik lang siyang pumasok sa loob. Sumunod na rin ito at naupo sa tabi niya, habang si Mang Anton na ang nagda-drive ng pick-up. At hindi niya alam kung bakit ito nakasiksik sa kanya sa upuan samantala ang lapad naman ng upuan. Sinikap niyang huwag madaiti ang balat niya sa balat nito. Parang horror kasi, napaka-creepy magkalapat ang kanilang mga balat
