DAHLIA
Sa malaking private resort niya kami dinala. Umabot din ng twenty minutes ang nilakbay namin bago makarating dito. Isa daw ito sa asset niya at dito daw siya nagbabakasyon kapag wala siyang trabaho. Magkakasunod lang ang pagdating naming lahat sa resort at hahabol na lamang ang mga asawa nila sa amin.
“Jackpot ka sa boyfriend mo. Bukod sa super guwapo, super yaman pa!” Bulong ni Nympha sa akin.
“Hindi kaya drug lord siya?”
Napalingon kaming dalawa ni Nympha kay Trish dahil sa sinabi niya. Mabuti na lamang at malayo si Eros. May kausap ito sa telepono at kami naman ay nandito sa garden malapit sa pool.
“FYI, mayaman ang pamilya ni Eros. Magkababata kaming dalawa kaya imposible yang sinasabi mo. Dahil magkakilala na kami simula pagkabata. Napaka-nega mo talaga. Mag-enjoy na l
