May liwanag na nang magising si Aarah kinabukasan. Kaagad siyang nakaramdam ng kahungkagan. Pagtingin pa lang niya sa bintana at nakita ang sikat ng araw ay umatake na ang kirot sa puso niya. Parang ayaw niyang bumangon at lumabas ng kuwarto. Ayaw niyang bumaba at lumabas ng mansiyon.
Dahil alam ng dalaga na sa mga oras na iyon ay wala na sa paligid si A.
Ngunit kailangang magpakatatag ni Aarah para kay Clara. Siguradong mas masasaktan ito sa pag-alis nila mamaya na wala si Bernard. Kailangan niyang maging matapang para sa kaibigan dahil iyon ang ipinangako niya kina A at Bernard.
"Please take care of your bestfriend, Aarah." Naalala niyang hiling sa kaniya ni Bernard kaninang madaling araw nang makasalubong niya ito sa hagdan. Pababa ito sa mini bar habang paakyat naman si Aarah mula
