Palabas na si Aarah ng kuwarto niya nang makasalubong niya si Clara.
"Puwede ba tayong mag-usap, beshie?" Hinarang siya nito nang akto niyang iiwasan. "Hayaan mo muna akong mag-explain, please?"
"Para saan pa, besie? Para paglihiman na naman ako?" mapait na tanong din ni Aarah. "Nakakatawa na nagtatawagan tayo ng besie at beshie pero hindi mo pala ako kayang pagkatiwalaan ng buo. Alam mo nga pati kulay ng tae ko, eh. Tapos 'yong tungkol sa totoong pagkatao nina Bernard at A ay itinago mo sa'kin?" Napasigok si Aarah. "Pakiramdam ko ay ginago ako, besie, eh. Pinagmukha mo akong tanga."
Namumula ang mga matang hinawakan ni Clara ang mga kamay niya. "Hindi ako naglihim sa'yo para gaguhin at pagmukhain kang tanga, beshie. Magagawa ko ba 'yon sa'yo? Kahit nga mga nunal ko sa katawan ay kabis
