Masaya si Aarah na makitang tuwang-tuwa si Clara dahil ipinagbubuntis nito ang anak nila ni Bernard. Kaya pala hinimatay ito kanina nang abutan niya sa bahay. Nang dalhin niya sa ospital, sinabi nga ng doktor na buntis nga raw si Clara.
Ngunit sa kabila ng excitement na nakikita niya sa kaibigan, hindi rin nito maitago ang sobrang kalungkutan. Nakaupo lang ito sa silya at nakadungaw sa bintana ng maliit nitong bahay.
Kanina pa niya gustong tanungin si Clara kung ano ba ang iniiyakan nito, nang maabutan niya ito kanina na umiiyak bago hinimatay. Ito ang pangalawang beses na nakita niyang ganito kalungkot si Clara. Ang una ay noong namatay ang Tatay Carding nito.
Alam na kaya niya ang totoo? Dahil doon kaya inihanda na ni Aarah ang posibleng galit at paghihinampo sa kaniya ni Clara kapag
