Napatiim-bagang si A habang pinagmamasdan mula sa isang sulok ang pananakit na ginagawa ni Tio Jose kay Aarah. Gusto niyang lumapit at ipagtanggol ang babae. Pero hindi niya ito kayang ipahamak at ang grupo nila. Kaya nga siya nag-disguise, eh, habang binabantayan si Aarah. Kaagad din siyang sumibat pagkatapos na patumbahan ang isa ring small time drug lord na kaibigan ni Tio Jose at na manyakis din, bago pa man ito makabalik at ang mga tauhan. Sa dami nila, tagilid ang laban ni A at siguradong mapapahamak pa si Aarah.
Hanggang ngayon ay pinaghahanap pa rin nina Tio Jose ang bumugbog sa kaibigan nito. Pero ngayon ay imposible na siyang makita dahil nagpalit na si A ng totoong anyo. Tinanggal na niya ang sombrero, artipisyal na bigote at iba pang artificial accessories.
"Kapag nakita ko
