Masakit ang ulo ni Aarah nang magising siya kinabukasan. Ayaw pa sana niyang bumangon dahil medyo nahihilo pa siya. Ngunit kailangan niyang maglako.
"Magandang umaga sa pinakaseksing nanay sa buong Quiapo," biro ni Aarah sa ina, na naabutan niyang naghahanda ng biko na ilalako.
Hindi na nakita ni Aarah ang mga kapatid kaya siguradong pumasok na sa eskuwela. Gan'on din si Tatay Poldo. Malamang ay nasa trabaho na rin.
"Kuh, nambola ka pa diyan," tumatawang saad ni Nanay Marie. "Huwag kang mag-alala. Kahit hindi mo man ako bolahin, sasaluhin ko pa rin ang trabaho mo ngayong araw. Ako na ang maglalako ng kaparte mo. Dahil alam kong may amats ka pa. Kaya magpahinga ka na lang muna."
"Maglalako ho ako ngayon. Sayang ang benta. Eh, ano naman kung nalasing ako kagabi? Para naman hong pers taym
