"Ano na naman ba ang problema mo, ha?" mariin na tanong ni Aarah kay A pagkatapos siya nitong buhatin at dinala sa ibang lamesa. Inilayo kasi siya nito kina Clara at Bernard. Dahil ang akala ay makikisawsaw na naman siya sa pag-uusap ng dalawa. "At ano rin ang drama mo? Bakit sinusungitan mo na naman ako? 'Di ba okay tayo noon sa Meksiko bago naghiwalay? Anong nangyari sa drama natin noon? Wala na 'yon? Ganern lang?"
Hindi kumibo si A. Nakatitig lang ito kay Aarah habang nagsasalpukan ang mga kilay.
"Magsalita ka nga riyan. Huwag kang duwag," pagpapatuloy ni Aarah. "Kung ano man ang problema mo, sabihin mo sa'kin. Hindi ako manghuhula para malaman kung ano ang iniisip mo. At huwag mo akong pagmukhaing tanga. Dahil waka akong maisip na kasalanan para uminit na naman ang bumbunan mo sa'ki
