Alas sais pa lang ng gabi ay nakahiga na si Aarah pero hanggang ngayon na alas onse na ay dilat pa rin siya. Hindi rin siya kumain ng hapunan.
Sa sobrang sakit na nararamdaman niya, parang hindi niya kayang lumunok. Hindi rin siya dalawin ng antok.
Mula sa maliit na papag ay bumangon si Aarah at lumabas ng bahay. Walang nakapansin sa kaniya dahil tulog na ang buo niyang pamilya. Walang kamalay-malay ang mga ito sa pagiging brokenhearted niya dahil hindi siya nagkuwento.
Paglabas ni Aarah sa bahay ay marami pang gising sa mga kapitbahay nila kaya hindi siya natakot lumabas. Ang balak sana ng dalaga ay umupo lang sa tarangkahan ng kanilang bahay at magpahangin. Ngunit natanaw niya sa labasan ang kotse ni Bart.
Dali-dali habang nagtataka na pinuntahan ito ni Aarah.
"Sir Bart!" tawag n
