Sobrang nalungkot si Aarah sa narinig. O mas tamang nasaktan. At hindi niya alam kung bakit parang mas masakit ngayon. Nalulungkot at nasasaktan na siya dahil sa pag-uwi niya ng Pilipinas bukas ay maghihiwalay na sila ni A.
Kaya bakit kailangan pa niyang masaktan ulit sa pagkabanggit na iyon ng binata?
Dahil ba alam niyang imposible na itong makalabas ng kulungan dahil sa dami ng kasalanan?
Pero hindi ba at gan'on naman ang gusto niya? Ang pagbayaran ni A ang lahat ng kasalanan nito sa batas?
O dahil ang puso niya talaga ang may problema? Ang puso niya na lihim ng nagmamahal kay A, at umaasa na muli silang pagtatagpuin ng tadhana. Ngunit paano pa mangyayari ang pag-asang iyon kung mabubulok na sa kulungan si A?
Dahan-dahang nagbaba ng tingin si Aarah. Kasabay ng pagpatak ng kaniyang m
