Nagising si Aarah nang maramdaman niyang tila huminto na ang kotseng sinasakyan nila. Umunat muna siya at saka nagpunas ng laway. Napansin niyang nakabukas na ng bahagya ang katabi niyang bintana. Mula roon ay naririnig niya ang pag-uusap nina A at E na nakikita niya rin.
"Really? Almost three hours kayong magkasama pero hindi kayo nag-away?" Parang hindi makapaniwala ang boses ni E. "Eh, dito nga sa bahay na wala pang minutong nagtatagpo ang mga landas n'yo, halos magpatayan na kayo."
"Napilitan lang akong magtimpi at pakisamahan ang Aarah na 'yon, 'no, dahil kina Boss Bernard at Clara."
Nagulat si Aarah sa narinig. Parang ayaw niyang maniwala sa sinabing iyon ni A. Parang hindi naman niya naramdamang napipilitan lang ito kanina na pakisamahan siya. Pero higit sa lahat ay ramdam ni Aar
