Hindi naglako si Aarah nang araw na iyon dahil may ibang raket siya. Maghapon siyang naglinis ng malaking bahay sa lugar nila. Pag-aari iyon ng ka-barangay nila na nakapag-asawa ng foreigner. Siya ang regular na tagalinis niyon. At isang malaking tulong sa kanilang pamilya. Dahil bukod sa malaking ibinabayad, pinapadalhan pa siya nang masasarap na pagkain at pinaglumaang mga gamit.
Bukas naman ay maagang magluluto at maglalako ng biko si Aarah dahil birthday ng bestfriend niyang si Clara. Siguradong gusto nitong mamasyal sila.
Pauwi na ang dalaga nang makita niya si Erin na nagwawala sa labas ng bahay ng kakilala niyang si Damian. At isa rin sa mga ka-tropa ni Erin.
"Tarantado ka, Damian! Lumabas ka diyan!" Narinig niyang sigaw nito kaya dali-dali niyang nilapitan. "Kapag hindi ka pa lu
