( Chapter 42 - Ang alok ni Ben kay Red )
Red's POV
Sabay kaming lumabas ni Blue sa gym na iyon.
"May lakad ka pa bang iba?" tanong niya bigla sa akin. Bigla ko tuloy naalala ang sinabi ni Olivia na sa oras na ayain ka nito ay may binabalak itong kahalayan sa akin.
Naisip kong hindi pa ito ang time kaya gumawa ako ng pekeng lakad.
"Oo, may kikitain akong mahalagang miyembro ng pamilya namin kaya nagmamadali rin akong umuwi. Nanlumo ang mata niya sa narinig sa akin. Sigurado siyang nanghihinayang ito ngayon dahil hindi ko siya pinatulan. Sa nakita ba naman niya kanina ay talagang aayain niya ako. Sabi ko nga, tatakamin ko muna siya. Babaliwin ko muna ang isip niya sa kakaisip sa akin.
"Sige, mauna na ako, Blue." Tumango na lang siya at saka ko siya nilagpasan. Nang may dumaang tricycl
