( Chapter 50 - Tagumapay ang plano ni Blue )
Red's POV
"Bago kita ihatid, puwede bang dumaan muna ako sa kabilang bayan. Para na rin may kasama ako. Liblib kasi roon. Nakakatakot mag-isa. Mainam na iyong may kasama ako. May kukunin kasi ako doon sa isang tauhan ko sa restaurant ko," abiso niya sa akin.
"Sige lang." Tamang-tama lang iyon para sa plano kong gawin sa kaniya.
Sinimulan na niyang paandarin ang sasakyan. Pinaalalahanan naman niya akong mag-seatbelt kaya sinuot ko naman iyon ka agad. Agad napawi ang pagpapawis ko nang lumamig na ang loob ng sasakyan niya dala ng aircon.
"Ilang taon ka nga pala, Red?"
"20 years old na," sagot ko. Nakita kong nagulat siya.
"Mas matanda ka pala ng dalawang taon sa akin. Pero, magkalapit pa rin ang edad natin kaya swak pa rin tayo sa isa't i
