(Chapter 11 - Tuloy na ang mukbang )
Red's POV
Hinintay ako ni Madam Nixie sa labas ng resort. Alam niya na maliligaw ako dahil malawak ang resort na ito. Malay ko ba kung saan sila naka-room.
"Oh, bakit nakasibangot ang mukha mo? May nangyari bang masama?" salubong sa akin ni Madam Nixie.
"Wala naman. Nainis lang ako roon sa lalaking nakita ko sa coffee shop. Humihingi ito ng tulong sa akin, pero hindi ko naman siya kilala," pagsisinungaling ko sa kanya. Hindi ko na lang sinabi na kakilala ko iyon at baka kung ano pa ang gawin ni Madam Nixie. Ang hilig pa naman nito sa awrahan.
"Mabuti at hindi mo pinansin. Baka budol iyon. Minsan, marami na rin ditong scammer," sabi niya at saka na kinuha sa akin ang kape niya. Inabot na ulit niya sa akin ang maleta ko at saka na kami tumuloy sa l
