( Chapter 28 - 9 days )
Red's POV
"Nasaan na ba raw si Waldo? Anong oras na ah?" Kanina pa ako atat na atat pumunta sa sementeryo. Ika-siyam ni Pinky ngayon kaya dadalaw kami sa puntod niya. Si Waldo kasi ang inutusan naming bumili ng puto, hanggang ngayon naman ay wala pa rin ito. Mag-iisang oras na itong wala. Nag-aalala na tuloy ako sa kanya.
"Baka naman niluluto pa ni Aling Dolores ang puto. Matagal talaga kasing bumili roon," sagot ni mama habang sinusupot na ang mga strawberry na ilalagay namin sa puntod ni Pinky. Favorite niya iyon kaya iyon ang special na dadalhin namin para sa kanya.
"I'm here na," sabi ni Ayah na may dala namang bulaklak. Nauna pa itong dumating kaysa kay Waldo na una naming inutusan kanina.
"Wow! Napakaganda nang napili mong bulaklak, iha," puri ni papa sa
