Pagkarating sa main branch ng Fit&Fab kung nasaan din ang opisina ko ay himalang nadatnan ko doon si Ian.
" Oh, kala ko ba may lakad ka today?" tanong ko sa kanya nang madaanan ko siyang nakatambay sa reception area.
"Nagkulang ng isang instructor for judo. Lintek naman kasi, may scheduled session ngayon iyong tatlo nating clients tapos timing naman na nagkatrangkaso iyong isang instructor natin," nayayamot nitong sagot.
Aburido si gago, naunsiyami kasi ang paglalandi.
"Diamond member?" tanong ko.
May tatlong uri kasi kami ng membership, golden, platinum at diamond.
" Platinum," maikli nitong sagot at nakasimangot pa rin.
"I-cancel mo na lang...di pala diamond eh.." nakangisi kong suhestiyon.
Pinakamahal kasi ay ang Diamond tapos platinum at iyong golden ang pinakamura sa halag
