Kinabukasan ay parang ayaw kong bumangon.
Kanina pa ako gising pero heto at nakahiga pa rin ako habang nakatingin sa kisame.
Sinadya kong magtagal upang maunang makaalis si Xavier.
Sigurado akong maaga siyang gigising at kakain ngayon dahil nandito na ulit sa bahay si Ms. Avi.
Kanina pa ako gising pero di naman ako kinatok ng kahit sino dito sa silid ko upang gisingin ang prinsipe ng kasutilan kaya siguradong nasa hapag na ang demonyitong iyon.
Napabalikwas ako bigla mula sa pagkakahiga nang sunud-sunod na malalakas na katok ang narinig ko.
Anong meron, sunog? Masyado namang atat ang kumakatok kaya halos magkandadapa tuloy ako sa paglapit sa pinto upang buksan ito.
Pero sana di ko na dapat binuksan ang kumakatok kasi iyong iniiwasan ko lang naman ang bumungad sakin.
Nakaayos na ang
