Heartbreaker Billionaire

Chapter 18-Greg's Party

"Nakakahiya naman Kristoff,tingnan mo ang mga bisita ni Greg oh,mukhang lahat sila mayayaman at sosyal.Tayo lang yata ang mahihirap na bisita,umuwi na lang kaya tayo? " Talagang naiilang siya habang naglalakad pa lamang sila nina Kristoff at Bea patungo sa loob ng mansion ng mga Fuentebella. Sa malawak na bakuran idiniwang ang kaarawan ni Greg.May live band at halos mapuno na ang lahat ng mesa.

Sinipat niya ang kanyang itsura.Ang dress na binili ni Adrian ang suot niya ngayon na pinarisan niya ng kulay beige na sandalyas.Tinali niya ang kanyang mahabang buhok at naglagay lamang ng pulbos at mumurahing lip tint upang magkakulay naman ang kanyang labi at hindi naman siya magmumukhang tense sa gabing yon .Si Ma'am Inez ang nasa unahang nila.Hindi pa sila umuupo dahil hinahanap nila si Greg upang batiin ito.Habang naglalakad ay nagkaroon siya ng pagkakataon na magmasid sa paligid.Iba talaga kapag mayayaman ,napakanenggrande kung magdiwang ng kaarawan .Napakaraming pagkaing nakahanda , libre lamang kumuha ng mga inumin na nakalatag lamang sa isang mahabang mesa.

"Boss Greg,maligayang kaarawan." dinig niyang bati ni Ma'am Inez kay Greg nang umabot na sila sa main table .

Malapad naman ang pagkangiti ni Greg nang makita ang grupo nila.Isa isa rin nilang binati ang celebrant ,pinasalamatan naman sila nito.

"Sir Greg,pasensya na po .Ito lang ang regalo ko..." sambit niya Kay Greg habang inaabot rito ang isang basket na puno ng mga sari saring gulay.

" Maraming salamat Lia,nakow paborito mo ang gulay.Ma'am Inez, tapusin niyo ang party ah.Dont worry ,sagot na namin ang service ninyo pauwi sa barangay Manicahan." wika ni Greg ,di pa rin napapawi ang ngiti nito sa labi. Inabot nito ang basket na ibinigay niya sa body guard nito .Nang lumingon siya sa paligid ay nakita niya ang mga matang nakatitig sa kanila Lalo na sa kanya.Pinagtatawanan ba siya ng mga ito?Masama ba ang magbigay ng mga gulay bilang regalo? Sa mga kapitbahay naman nila ay gulay ang palagi niyang nireregaluhan kapag inaaya sila sa mga kaarawan .

"Sige Boss ,basta ihatid niyo po kami walang problema." sagot naman ni Ma'am Inez rito.Ibig sabihin ay gagabihin sila ngayon.Wala namang problema sa kanya dahil kasama naman niya si Kristoff pauwi sa looban.

Nagpaalam si Sir Greg nang may mga bagong dating na bisita ang lumapit rito.Sila naman ay maghanap na rin ng mauupuan ,sa pinakadulong bahagi ng bakuran.

"Ang yaman nila Lia noh?Tingnan mo ang mga magagarang sasakyan nila, " ininguso ni Kristoff ang mga nakahilerang sasakyan sa parking lot ng mansion.Sobrang yaman talaga ng mga Fuentebella.No wonder na ang mga ito ang pinakatanyag sa Probinsya nila.Kung tatakbo itong congressman ay tiyak na panalo na si Greg.

Maraming mga nagagandahang mga babae na napaka sosyal ang aura.Gayundin naman ang mga lalake,malayong malayo ang itsura ng mga ito sa mga binibini at binata na nakikita sa probinsya nila.Siguro,karamihan sa mga bisita ni Sir Greg ay taga Manila at nabibilang sa mga alta sociedad. Pagdating Kasi sa pananamit ay kitang kita na ang kaibahan ng mga taga siyudad at taga barrio na kagaya nila.

Hindi na nga niya nagagawang tumingin pa sa mga kababaihan na naroon lalo na't panay ang sulyap ng mga ito sa grupo nila.

"Look at them! Do they really belong here? Nakita mo ba ang regalo ng babaeng yon Kay Greg?Nakakatawa noh?Imagine,akala yata niya ay palengke ang pinuntahan niya! How pathetic!" dinig niyang sambit ng isang matangkad at mestisahing babae sa katabing mesa nila.

"Oh yeah,I noticed them kanina pa.Did Greg really invited them here? Look at their skin, tssk wala yatang skin care rito sa province.Can we donate glutathione and Kojic soap to them?" humalakhak na sambit ng kasama nito.Limang babae ang pinagpipiyestahan sila sa kabilang mesa.Sinasabi na nga niya na hindi talaga sila bagay sa ganitong okasyon ng mga mayayaman.Sana pala ay hindi na lamang siya sumama kay Ma'am Inez.

"Swerte natin becoz we're born rich.Just observe them later girls, parang mga patay gutom ang mga yan kapag kainan na!" singit naman ng isa.

"Lia,tatayo talaga ako ngayon at pagsasampalin ang mga mestisang hilaw na mga yan! Inaaano ba natin sila? Pinag-uusapan ba naman ang skin natin eh mas hamak na mas maganda pa nga tayo kung tutuusin eh kumpara sa mga kutis nila na parang bondpaper na binilad sa araw.Mapukla ang kulay ng mga balat,errrr!" inis na sambit ni Bea na nangangalaiti sa tabi niya.

"Hayaan mo na sila,Bei.Huwag mo na lang pansinin." saway niya kay Bea na halatang inis na inis na sa sandaling iyon.

"You know,people here are uneducated . Karamihan sa mga taga probinsya ay elementary graduate lang ,gurl .How pitiful!" dagdag pa ng isang babae . Tila bumubulong lang ang mga ito pero dinig na dinig naman nila ni Bea dahil sila ay nasa tabi ng mga babaeng sosyalerang napakasama ng mga ugali.Mga matapobre,kumbaga.

Bigla na lamang siyang napailing.Ganito ba talaga ang tingin ng mga taga siyudad sa mga katulad nilang probinsyana? Napakuyom ang kanyang kamao, kaya magsusumikap talaga siya para sa kanyang pangarap.Ayaw niyang lalaitin siya katulad nito.Di bale balang araw ay papatunayan niyang mali ang inakala ng mga ito tungkol sa katulad nilang probinsyana.

"Oh dear? Is that Adrian Mondragon?The famous hot billionaire of Mondragon group of company? " Nakita niya ang lubos na paghanga ng babaeng una silang pinagsalitaan ng hindi maganda.

"Oo nga,naku mag retouch tayo girls at baka sakaling pansinin tayo ni Adrian.Napaka gwapo at mas hot pa pala siya sa personal kaysa sa mga magazines noh?At ang tangkad pala talaga niya!" wika naman ng isa.

"Ay oo.Ngayon ko lang rin siya nakita talaga in person at triple talaga ang kagwapuhan niya ano?Parang kinikilig na ako, imaginin n'yo kung boyfriend niyo siya?"

"Naku,pipikutin ko yan agad agad! " sambit ng isa.

Tumingin siya Kay Adrian na kapapasok pa lamang ng gate.Mag-isa lamang ito,noong umalis siya kanina sa Villa ay sinabi ng Lola Natty niya na umalis raw ang lalake at may bibilhin raw sa bayan.May hawak nga ito ngayong maliit ng box sa kaliwang kamay.Hindi naman sila napansin ni Adrian,diretso nitong pinuntahan si Greg at nakita niya ibinigay nito ang regalo sa lalake.

Imbitado rin pala si Adrian.Kung imbitado ang mga Mondragon siguradong mga bigatin rin ang mga bisitang nandoon ngayon.

"Yes girl,and also Greg di ba?Napaka gwapo rin talaga ng unico iho ng mga Fuentebella and your ex bf Lizzie." wika ng babaeng pinakamaliit sa grupo sa babaeng mestisahin .

"Greg is heading our way oh! "ininguso ng isang babae si Greg na naglalakad papunta sa direksyon nila."Lizzie,mukhang sa atin siya pupunta oh! Wow,mukhang mahal ka pa talaga ni Greg!" kinikilig na sambit ng isa sa mga babae.Lizzie pala ang pangalan ng mestisang babae ,ex gf pala ito ni Greg.Maganda si Lizzie at seksi pero mata pobre nga lang.

"Hala Lia,anlaki ng swimming pool ! Ngayon lang ako nakakita ng ganyang kalaki at kagandang pool,sa tv ko lang nakikita noon eh." tinapik siya sa hita ni Bea at tinuro sa kanya ang pahabang swimming pool na nasa gilid.Nandoon sa gilid ang mga pagkain .Ngayon lamang niya napansin na may swimming pool pala na napapalibutan rin ng iba't ibang kulay ng mga ilaw.

"Tumahimik ka nga riyan Bea.Huwag mo naman masyadong ipahalata na first time natin!" saway niya rito.Mas lalo na yata silang pagtatawanan ng grupo ni Lizzie.

" Okay lang ba kayo rito,Lia? While waiting,you can go and get some drinks and finger foods over there!" itinuro nito ang mesa sa gilid ng swimming pool.

"Okay lang kami Sir Greg.Huwag po kayong mag- alala sa'min." mahina niyang sambit .Nang iangat niya ang kanyang mukha at tiningnan ang mg babae sa kabilang mesa ay halos pumuti ang mga mata ng mga ito sa pag-irap sa kanya.Muli siyang yumuko,wala ba talaga silang lugar na mga mahihirap kasama ang mga mayayaman sa oras na iyon?Bakit maraming mga mata ang punong puno ng diskriminasyon sa sandaling yon? Kulang na lamang yata ay ipagtabuyan sila ng mga mapanghusgang mga mata.

"If you need anything,don't be shy .Feel at home .The comfort room is over there! Basta,you know welcome na welcome kayo rito sa amin...." dagdag pa ni Greg.Mabuti pa si Greg,napakabait nito kahit na anak ito ng pinakamayaman na personalidad sa siyudad nila .Kahit na sina Senyorito Chase at Adrian,mga tinaguriang bilyonaryo ay hindi naman sila hinuhusgahan lalo na sila ng Lola Natty niya.Bakit ang mga matang nakatitig sa kanila ay karamihang iba kung makatingin?Sila na ba ang pinaka pangit sa okasyon na ito? Katawan tawa ba ang itsura nila?Mukha ba talaga silang taga bundok kung panamit at gumalaw?

"Maraming salamat Boss Greg,napakabait n'yo po!" si Bea ang sumagot sa binata.

"Sige, Basta huwag kayong mahihiya.Listen,Lia at Bea alam n'yo ba na kayong dalawa ang pinaka maganda rito ngayon?" ani Greg na nakangiti sa kanila.Baka pinapangiti lamang sila ni Greg dahil napansin nito ang pagiging aligaga nila.

Tumingin siya sa gawi ni Adrian.Nasa unahang mesa ito at abala sa pakikipag-usap sa dalawang tao.Isang lalake na may katandaan na at isa namang babae na sa tingin niya ay nasa mid thirtees na.Mukhang seryoso ang pinag-uusapan ng mga ito.

Nang magsimula na ang programa ay natahimik naman ang lahat. Nagsalita si Greg at nagpasalamat sa mga dumalo sa espesyal na araw nito.

"Bea,mag ccr na muna ako sandali ah." wika niya sa kaibigan.Itinuro naman kanina ni Greg kung saan sila pwedeng mag cr.

"Oh,look who's here! Ang pinakamagandang probinsyana sa balat ng lupa!" Agad na salubong sa kanya ng isa sa mga pintaserang babae.Palabas na sana siya sa cubicle nang makitang nagreretouch ang tatlo sa loob .

Yumuko lamang siya at ayaw niyang patulan ang mga ito. Pinakaayaw niya sa lahat ay masangkot siya sa anumang problema.

"Ano kaya ang pinakain mo kay Greg at mukhang interesado siya sa'yo huh?Kung tutuusin, mas maganda naman kami kaysa sa'yo na sunog sa araw! Saang kweba ka ba nanggaling ?" ani pa ng isang kulot ang buhok.

"Excuse me, makikiraan lang" wika niya nang bigla siyang hinarang ng mga ito.

"Hoy babae, tandaan mo to ah.Hindi ka bagay kay Greg,mayaman siya at ikaw?Hindi ka maganda ." wika pa nito.

"Wala naman akong ginagawang masama sa inyo,bakit ba kayo galit sa akin?May problema ba kayo sa mga probinsyang katulad ko?" aniya sa mga ito .Hindi na niya kaya ang mga panlalait ng mga ito sa kanya.

"Huh?Walang ginagawang masama? Bulag ka ba? " natatawang sambit ng isa." Inakit mo si Greg, pa inosente ka pa noh?Hoy,gising na girl!" anito.

" Alam mo kung ako sa'yo,umuwi ka na lang ! " sambit ng isa.

"Excuse me..." ulit niyang sambit at dumaan na sa mga babaeng wala na yatang alam gawin kundi ang mamaliit ng tao.Paano ba pinalaki ng mga magulang ang mga babaeng ito? Wala man lamang puso sa mga ibang mga tao lalo na sa mga mahihirap na kagaya nila.

Nang bumalik siya sa bakuran ay kainan na pala.Kumakain na rin sina Kristoff at Bea at iba pang kasamahan nila.

Kinuha niya ang kanyang plato at nagpasyang kumuha na ng pagkain sa mesa na nasa gilid ng swimming pool.Naglalakad na siya papunta sa mahabang mesang may mga pagkain ngunit hinarang na naman siya ng babaeng mestisahin,si Lizzie na ex ni Greg.

"Ohhh,kakain ka dear? Listen ,isa isa lang ah? Dahan dahan sa paglimbat ng mga pagkain." saway kaagad nito sa kanya.

"Hindi naman ako patay gutom!" dagdag pa nito.

"Hmp, nice try! Okay sige,hindi ka nga patay gutom pero mukhang kailangan mo nang maligo gurl!."kaagad nitong sambit sabay tulak sa kanya sa swimming pool."Bagay nga sa kagaya mong hampas lupa at ambisyosa!"

Napatili naman siya nang dahil sa napakalamig na tubig sa pool na lagpas tao pala ang lalim. Hindi niya alam kung bakit ganun kasama ang ugali ng babaeng itinulak siya.Wala naman siyang kasalanan rito pero ang ginawa nito ay daig pa ang kaaway ang turing sa kanya.

Nakarinig siya ng ingay.May taong tumalon sa tubig at bigla siyang niyakap at dinala sa gilid ng pool.Kahit na palagi siyang nasa ilog ay hindi naman siya marunong lumangoy lalo na at sanay lamang siyang maligo sa mababaw .

"Adie,"sambit niya bago pa siya nawalan ng malay dahil sa biglaang pagkahilo niya nang mahulog siya sa swimming pool.