11
الأميرة فريدة
-"بعد ما الحجة رجوى سابتني فضلت قاعدة أفكر فحياتي اللي أتباعت فسوق الجواري على أيد أبويا و أخواتي ، و فكرت إني لو أطلقت و رجعت هتبقي عيشتي معاهم ذل و إهانة ، فبدأت أعمل زي ما الحجة رجوى قالت لي و فعلا حمد مبقاش يقدر يستغني عني لإني عرفت أرضيه و أعمل له كل حاجة نفسه فيها من غير ما يطلب ، و كنت لما أتعب بكتم تعبي جوايا و متكلمش ، يوم ورا التاني بتكلم معاه وبتحايل عليه يخليني أكمل تعليمي لحد ما وافق حمد و جاب مدرسين الحقيقة هو مبخلش عليا بأي حاجة و على قد ما كنت برضيه على قد ما كان بيعمل لي كل اللي أنا عوزاه هو مكنش وحش و لا إنسان مستبد هو كان طبعه كدا مش بيحب يعمل حاجة فالحرام فكان بيتجوز علشان يرضي نفسه ، كان طيب و كان كتير بيعاملني بحنية كأني بنته و كنت بشوف فعيونه ليا نظرة مشفتهوش بيبص بيها لحد من مرتاته التانيين أنا وقتها و بعد كلام رجوى ليا قولت أرضى بحياتي و أقبلها و
