Chapter Eighteen
MACKY
“HINDI mo ako sasabayan?”
Nasa kusina kami at kasalukuyan akong kumakain ng hapunan. Nagluto pala siya ng menudo at masarap ang pagkakaluto nito. Eksaktong gutum na gutom ako.
“Tapos na akong kumain,” nakaupo lang siya sa tapat ko.
“Nabubusog ka na sa kakatingin sa akin,” puno pa ang bibig ko nang sabihin ko iyon.
“Sira,” ngumiti siya.
“May fish crackers na pala. Nakita ko kanina nang mag-ayos ako ng tinda ni nanay,”
“Nasaan?”
“Tingnan mo doon sa supot na dala ko,”
Nagtungo siya sa sala. Tsk. Basta talaga chichirya kahit hindi siya gutom ay kakain siya.
Pagbalik niya sa kusina ay bukas na ang isang Fish Cracker at kumakain na siya.
“Akala ko busog ka na? Bakit kumakain ka pa ng chichirya?”
“Favorite ko ito. Walang busog-busog kapag paborito k
