Chapter Nineteen
MACKY
BWIST na magtataho iyan. Muntik ko na pinakyaw lahat ng tinda niya para hindi na maglako.
Tahimik lang akong nagmemeryenda dito sa labas. Hindi siya humaharap sa akin dahil maging ako ay nahihiya sa kanya. Minsan talaga ay may panahong nauuna ang hiya ko, pero kanina, mas nauna ang pagiging pilyo ko. Ngayon ko lang nadama ang hiya sa sarili ko nang bumalik lahat sa isip ko ang pinaggagawa ko kanina.
“Hayayay,” napakamot ako ng ulo ko.
Nasa kalagitnaan ako ng pakikipagtalo sa sarili ko dahil sa ginawa ko kanina nang matanaw kong paparating si Kyla na nakamotor. Hindi ako nagkamali dahil huminto siya sa tapat.
“Mukhang eksakto ang dating ko ah,” bungad niya at nagkusang pumasok.
“Meryenda tayo,” alok ko.
“Sige lang caz. Si Kristine?” tanong niya.
“Nas
