Kabanata 27: Pinamulahan ng Mukha
BUONG araw na naging madali para kay Denzel na pakisamahan si Nicholas. Nagulat pa nga siya na ang lalaki na mismo ang naglibot sa kanya sa kompanya upang ipasyal at kung may iuutos ito ay madali na niyang mapuntahan ang destinasyon.
Hindi na rin niya nakikita ang lalaki na nagiging suplado at sobrang malaking ginhawa iyon kay Denzel. Hindi niya alam na sa simpleng pagpapatawa niya kay Nicholas sa panahong sobrang lungkot nito ay iyon pala ang magiging daan upang magkaroon ito ng maayos na pakikitungo sa kanya.
“How’s your work? Mukhang maaga ka yatang umuwi ngayon?” tanong ni Lumino sa kanya nang humalik siya sa pisngi nito.
“Maaga naman talaga akong umuuwi, Tito. Minsan nga lang ikaw ang huli tapos nakakauwi na ako galing sa misyon sa club.”
“Wala
