Kabanata 45: Bagong Kabanata
SOBRANG bigat ng kalooban ni Denzel nang umuwi siya sa kanilang bahay. Hanggang ngayon ay laman pa rin ng kanyang isipan si Nicholas at ang mga sinabi nito. Kahit papaano ay naliwanagan na ito kung ano ba talaga ito. Ngunit siya ngayon? Nagugulahan siya sa kanyang nararamdaman.
Masaya siyang sinalubong ni Manang Inday at kinuha ang kanyang mga pinamili. Napatitig ito sa kanya at tila ba’y nagtatanong ang mga mata.
“Ano nangyari sa’yo? Para ka yatang binagsakan ng nagtataeng lupa?”
“Manang naman, e.” Sumimangot siya sa ginang dahil sa biro nito.
“Ano ba kasi ang problema mo, ha? Halika pag-usapan natin ‘yan.”
Hindi nakapalag si Denzel dahil kaagad siyang hinila ni Manang Inday. Dinala siya nito sa sofa at nakaharap na ito sa kanya.
“Jowa na ako ng Tito Lu
