Kabanata 22: Sugat ni Nicholas
MUNTIKAN nang ma-late si Denzel dahil hindi siya nagising ng maaga. Mabuti na lamang at pagdating niya sa kompanya ay mahaba ang linya sa time in.
“Bakit ang haba ng linya? Anong nangyari?” tanong niya sa nauna sa kanya.
“Nasira ang scanner kanina kaya inayos pa ito.”
“Mabuti naman,” aniya. Mas mainam na iyon para may idadahilan siya kay Nicholas kung bakit matagal siyang dumating. Mukhang alam naman siguro iyon ng lalaki na nasira ang scanner ng kompanya.
Inabot rin ng sampung minuto ang linya nang matapat na ni Denzel ang kanyang hinlalaki. Nang matapos ay mabilis siyang umakyat gamit ang hagdanan. Hiningal siya nang makarating sa ikapitong palapag ngunit ayos na iyon para mayroong siyang ehersisyo.
Kumatok ng tatlong beses si Denzel sa pinto at saka
