Kabanata 32: Namumuong Selos
DUMAAN ang mga araw na wala pa ring nakukuhang sagot sina Denzel sa nahuling lalaki. Nagmamatigas pa rin ito at labis na pinagdadamot ang impormasyon na kanilang kailangang makuha. Hinihintay na rin ang medicolegal ng babae upang makapagdesisyon na siya. Aalis si Denzel sa Aragon Company. Wala nang dahilan upang manatili siya roon. May nahuli na silang pwedeng magturo. At paniguradong hihinto na ang mastermind ng panggagahasa at pagpatay. Sa isip niya ay nagtatago na ito.
"Mag-iingat ka sa iyong biyahe, Lauriate. Ipagdarasal ko ang iyong asawa na bumuti na ang kanyang lagay," aniya sa kaibigan.
"Maraming salamat, babalitaan kita kaagad kung mayroon nang magandang balita sa aking asawa."
"Bumalik ka ha?" napayakap si Denzel kay Lauriate. Sobra niya itong
