ILANG ARAW na hindi umuwi sa mansion si Aiha. Sa kaniyang Tiya Sabel siya umuuwi. Kinuwento niya sa kaniyang tiya ang pangyayari kaya ay naintindihan siya nito.
"Eneng, hindi ko talaga inakala na magagawa sa iyo 'yon ni Senior Fortalejo. Mabait naman siya at hindi gahaman sa pera. Si Mina nga at Nigoel ay nagawa niyang tanggapin kahit na niloko siya ng mga ito. Hays, hindi ko makuha bakit ganoon niya na lang tratuhin ang iyong relasyon kay Weiss," anang Sabel habang binabanlawan ang mga damit na nakuso na.
Malungkot lamang na huminga si Aiha. Namimiss niya ang kaniyang nobyo at tanging sa chat na lamang niya ito nakakausap.
"Hindi ko rin alam, Tiya Sabel. Hinahangaan ko pa naman siya dahil nga ay tinitingala siya ng lahat. Akala ko rin na kaya niyang tanggapin ang relasyon namin ni W
