“GOOD morning and welcome back, Ma’am George…” bati ni Ayana sa boss nang pumasok ito sa kanyang opisina.
“Good morning, Ayana. Thank you so much. Ang ganda ng weather ngayon, ‘no?” nakangiting tugon ni George.
Napatingin si Ayana sa labas ng glass window sa opisina ng kanyang boss. Napaka-clear doon ang malakas na pagbuhos ng ulan at may kasama pang pagkulog. Nagtatakang napatingin si Ayana sa boss niyang nakangiti at sisipol-sipol pang nagbabasa sa mga papeles na kanyang ibinigay kanina.
Sa isip ng sekretarya ay nakatulong ang pagpapahinga ng kanyang boss ng ilang araw dahil parang naging blooming ito at mas lalong gumana sa pagtatrabaho.
Ang hindi nila alam ay masaya si George dahil inihatid ito ni Kulas sa opisina ngayong umaga. Kahit na malakas ang ulan at kumukulog, hindi binigo
