KULAS
“GEORGINA!” mababa ang boses at may pagbabanta na binanggit ko ang pangalan ng babae.
Halatang nagulat ito nang makita ako kasi napakislot pa ito at napahawak sa dibdib.
“Nakakagulat ka naman, eh,” wika ng babae na nakatingala sa akin. Nakaupo ito sa mini-sofa niya sa kanyang kwarto.
“Sabi ng doctor mo, bawal ka munang magtrabaho. Kahit ngayong araw lang daw ay magpahinga ka,” I reminded her.
“Hindi naman ako nagtatrabaho, ah,” giit nito.
Aba, magde-deny pa eh.
“Anong tawag mo diyan?” tanong ko na nakatingin sa laptop at papeles na nasa harap niya.
Hindi ito makatingin sa akin at pasimpleng itinago nito ang mga papeles na nasa mesa sa likod nito, na parang hindi ko nakikita ang ginagawa niya. “Hindi nga ako nagtatrabaho… I was just… listening to their presentation,” palusot
