PAGBALIK ni Ezra ng silid na pinag-iwanan niya kay Blaze ay doon niya napagtanto na hindi niya naisara ang pintuan sa guestroom. Nakasilip ang Mama niya sa may pintuan. Ang isang kamay ay nasa bibig at ang isa ay nasa dibdib.
"Ma--"
Agad tinakpan ni Emily, ang Mama ni Ezra ang bibig niya at saka siya itinulak nito palayo ng pintuan ng guestroom at papunta sa kwarto niya. Iginiya siya ng ina papasok ng pintuan at saka isinara iyon at isinandal siya sa may likuran.
"OMG, anak, sino 'yon?!" Ang mga mata nitong may eyeshadow at mascara ay nanlaki na parang gulat na gulat.
Napabuntonghininga muna si Ezra bago siya sumagot.
"Friend ko po, Ma. Nagkaproblema siya kagabi kaya sinundo ko at tinulungan. Dito ko na pinatulog. Sorry po di ko na nasabi medyo late na kasi kami nakadating."
"Late na
