HINDI pa sana sila hihinto sa pagpapalitan ng nagbabagang mga halik nang tumawag na naman si Dara kay Blaze. Hinihintay daw sila ni Ezra sa may dulo ng plantation para sabay silang magpunta ng Bungalow kung saan sila magkikita-kitang anim matapos ang mga penalties. Dahil may kabayo din naman doon, doon na ginawa ni Dash ang penalty niya.
Magkasunod silang apat na pumasok sa bahay kung saan naroon na at nakahiga si Oz sa may kandungan ni Fiona. Magkahawak pa ng kamay ang dalawa.
“Napagod ba ‘yan? Bakit parang inaantok?” Pabirong sabi ni Ezra kay Fiona na tinutukoy ang kaibigang mapungay ang mata. Napansin ni Ezra ang unan na nakapatong sa may gitnang bahagi ni Oz. Inupuan niya iyon para mang-asar. Ang lagay ba ay siya lang ang may masakit na puson? Gusto niyang asarin ang kaibigan na mukh
