Isla El Mundo: Liwanag at Dilim

Kabanata Eighteen

Stacey's POV

Naglalakad ako ngayon dito sa dalampasigan papunta roon sa may batuhan kung saan ko nakita si Zach na tumalon sa dagat. Maganda kasing tumambay doon dahil walang tao kaya tahimik lang.

“I wonder what he was thinking?” I asked myself.

Kanina ko pa kasi iniisip yung sinabi ni Sarah at hindi ako mapakali. Gusto kong malaman bakit ginawa ni Zach `yon. He didn't have to do that but he confronted Sasha. Masaya naman ako na kinampihan niya kami pero hindi na sana niya ginawa `yon. Bakit? Dahil lalo pa akong umaasa na hindi lang basta guest para sa kanya.

“Ang hirap naman ng ganito,” mahinang sambit ko. Umupo na ako sa bato habang nakatitig sa palubog na araw. Sa totoo lang, nakaka-confuse talaga ang mga gestures ni Zach pero dahil nga roon, nahuhulog ako.

I don't want to look like I really fell for him so hard. Ayokong mapansin niyang nahuhulog ako sa kanya, he might take advantage of it. Sa ngayon, itatago ko na lang muna ang nararamdaman ko.

“Gaano kahirap?” ani ng isang boses na pamilyar sa akin. Lumingon ako at nakita ko si Zach na nakatayo sa likod ko habang nakatitig sa akin.