NABIGLA si Ken at Thoie nang sabihin ni Don Inigo ang tunay na dahilan kung bakit sila pinasusukatan ng damit. Ito ay dahil dadalo ang kanilang pamilya sa isang engrandeng pagtitipon ng mga mayayamang taong kabilang sa listahan ng World Riches Man in The Philippines. Ayon pa rito ay napakalaking handaan iyon at hindi nais ng Don na mapahiya sa ilang kaibigang dadalo, nais din nitong ipakilala ang nag-iisang apo suot ang isang nakamamanghang kasuotan na mangingibabaw sa loob ng naturang kasiyahan. Hindi naman na nakatanggi pa si Thoie dahil ang naroon na ang mga designer na kinuha ng kaniyang lolo upang kunin ang sukat ng kaniyang katawan at kaagad na magawan ng damit.
Matapos ang gawaing iyon ay hindi niya nakita si Ken sa bahay. Wala naman siyang kailangan o kung ano mang nais sabihin n
