INIS NA lumabas ng kaniyang silid si Thoie kinaumagahan, naabutan niya ang lalaki sa tapat ng kaniyang silid. Suot nito ang pares ng polo shirt at pantalon na isa sa kaniyang mga binili rito. “Good morning,” bati nito sa kaniya na tila walang kagana-gana sa umagang ito. Mabilis siyang nag-iwas ng tingin at inayos ang kaniyang suot na sunglass. Kinailangan niyang magsuot nito upang itago ang pamumugto ng kaniyang mga mata sa nagdaang gabi. Bukod sa hindi siya nakatulog sa gutom na nararamdaman ay bahgyang namaga ang kaniyang mga mata sa ginawang pag-iyak. Hindi niya malaman kung tama bang iyakan niya ang sinabi nito kagabi sa kaniya, isang salita na nagbigay sa kaniya ng pagkadismaya at pagkainis sa lalaki, maging sa kaniyang sarili. Malalaki ang hakbang na tinahak niya ang pasilyo, hindi n
