Chapter 10
Sappy's Pov
Rinig na rinig ko ang napakalalim na paghugot ng hininga ni Mama. Abala siya sa pagmamaneho habang ako naman ay paminsan-minsang napapasulyap sa kanya.
"Iyong lalaki kanina sa restaurant... Kairo ang pangalan niya..." Napangiti ako. "Sa kanya pala 'yong restaurant na 'yon! Ang galing! May business na siya agad..."
"Kilala mo siya?" Seryosong tanong ni Mama.
Humigpit ang hawak ko sa seatbelt ko nang bigla niyang ihinto ang sasakyan.
"Sorry..." Napapikit siya at halatang nagulat din. "Okay ka lang?"
"Opo Mama..." Wala sa sariling sagot ko. "Kayo... Okay lang ba kayo?"
Tumango siya. "Oo... Akala ko kasi may mababangga ako kanina."
Lumunok siya saka muling pinaandar ang makina.
"School mate ko si Kairo... Nakikita ko rin siya sa school..."
"Gano'n ba? Isa siya
