Chapter 26
HINDI AKO NAKATIIS at lumabas nang bahay pagkatapos ako iwan ni Wave rito sa apartment. Hindi ko alam kung bakit ayaw pa rin niya ako papasukin kahit na okay naman na talaga ako. Hindi ko magawang pumirmi kaya pumunta ako sa opisina bilang bisita. Nagulat nga si Carla nang makita ako eh.
Sumakto pa nga ang pagpunta ko dahil lunch break nila. Papunta pa lamang sila sa cafeteria nang makita ako. Sa main lobby kasi ako dumaan.
"Naku Reene! Ano ba ang ginagawa mo rito?"
"Nabored kasi ako Carla. Wala kasi akong magawa sa bahay."
"Eh siguradong ayos ka na ba? Baka hindi pa ah? Kami pa mapapagalitan ni Sir Wave eh."
"Okay na talaga ako. Sadyang makulit lang ang isang ‘yon. at gusto ako pagpahingahin. Eh nasaan na ba siya? Nandyan ba?"
Hindi ko pa siya nakikita na lumabas ng opis
