Chapter 35
TAKOT.
Iyon agad ang naramdaman ko nang kausapin ako ng mga taga-NBI. Nang malaman ko na hindi iyon aksidente at may plano talagang ilagay kami sa kapahamakan ay doon ako lalong natakot, hindi lang sa sarili ko kundi pati kay Wave.
Sari-saring imahinasyon ang pumasok sa aking isipan, at kung ano ang nagawa namin ni Wave para maging ganito.
"May kakilala ho ba kayo na may motibo para gawin sa inyo ito?" tanong ni Inspector Romano.
Mabilis naman akong umiling. Wala akong matandaan na ginawan namin ni Wave ng kasalanan. Wave is a good boss. Kapakanan ng empleyado ang palagi niyang iniisip at kaya nga siya napunta sa posisyon na tumayong boss ng Cortez Empire ay dahil na rin sa mayroon siyang paninindigan na kagaya ng kay tito, and everyone is admiring him for that, even me.
P
