ALIANA
Quarter to Eight na ng gabi at napaka tahimik na ng buong bahay ng bumaba si Aliana sa mataas nilang hagdan kasama ng Yaya Molly niya.
Nakaidlip siya sa pag-aantay sa tawag ng kaniyang ama at kung hindi pa sa sunod-sunod na katok ng kaniyang Yaya Molly, tiyak na matutulog siyang hindi naghahapunan at hindi rin nakapagbihis.
Tapos na lahat kumain maliban sa Yaya Molly, na inantay siyang magising upang sabayan siyang kumain.
"Ya, sana nauna ka na kumain," saad niya rito pagdating nila sa dining table.
"Asus, umupo ka na lang r'yan at maghahain na ako, lalo tayo nito aabutin ng siyam-siyam kung dami mo pa satsat," saway sa kaniya ni Yaya Molly, at kumilos nga patungo sa harap ng kalan. Nagsandok ng ulam at kanin. Hinatid sa lamesa at muling tumalikod upang kumuha naman ng mga kuby
