Mabilis nagdaan ang mga araw. Heto at mag-iisang buwan na silang kasal ni Travis. Hindi na muna siya pinapasok ng asawa sa opisina dahil may pupuntahan silang party mamayang gabi kasama ang buong pamilya. Napapangiti siya sa tuwing maalala ang sinabi ni Suzanne no'ng unang pumunta sila sa mansyon ng mga ito.
"I like you for my cousin at simula ngayon, parte ka na ng pamilyang ito. 'Wag kang mahiya magsabi sa akin 'pag may problema ka."
Buong buhay niya sila lang dalawa ng kuya niya. Maaga kasi silang naulila. Walong taong gulang pa siya no'n at labing tatlong taon gulang naman ang kuya niya nang mamatay ang mga magulang nila sa lumubog na barko.
Nagulat si Stephany pagkalabas niya ng kusina nang makitang may tatlong ka-tao sa sala. Isang bakla na may tsini-check sa bag nito at dalawang
